Gateau Festa Harada, 相信大家對呢個品牌一點都唔係陌生，不同口味嘅多士都好評如潮，更係日本天皇指名嘅小食。早前更邀請法國頂級甜品大師 Pierre Hermé作聯乘，推出Ispahan系列, 食過嘅人就知佢將本來偏甜嘅配方改良成設合亞洲人口味而大熱。但今日我想推介嘅並唔係任何一款多士，而係一款叫“LOVE SLEEVES"嘅朱古力脆條，一款平民得嚟又會令你上癮嘅朱古力！
呢款朱古力用咗勁香滑嘅牛奶朱古力製成，中間混入切碎咗嘅堅果粒增強咬口，堅果香十足。 其實佢只係一款簡單到爆嘅超市類零食，要喺其他品牌如日本人都唔買嘅Royce，香港mark up到上天嘅Godiva等同類品牌中脫穎而出真係唔易！首先好食已係事實，但佢嘅命名才更見品味！“LOVE SLEEVES” 呢個朱古力代表住愛嘅傳遞，有如加咗希望心愛嘅人食完讓對方感受到那份愛意嘅魔法，點解？Love 代表愛，同Sleeves衫袖真係一個天一個地，都唔知關乜X事！但有個人就可以將兩樣九唔搭八嘅兩樣嘢變成史詩式流傳後世，佢就係好鍾意成日搖啲梨嘅威廉氏，威廉·莎士比亞。莎翁四大悲劇之一“Orthello”中一句 “To wear your heart on your sleeve"， 將心放係衫袖係表示將埋藏內心嘅情感表露出來，如果係仇恨何其兇險，但如果係愛意就何其浪漫！
雖然21世紀嘅藍星應無乜人會再用咁有深度嘅文句去表達愛意，但緊記！緊記！緊記！希望大家唔好睇完個post又懶係型同個另一半講“我送love sleeves俾你，幾浪漫”！因為咁樣有機會代表“我送dom俾你，幾浪漫‘“！乜dom？Condom啊！現代西方“love sleeves”係喻意為Condom嘅意思，你咁講可能對方會求之不得各有所得，但隨時對方會揮一揮衫袖，你臉上就多一點色彩！追唔到女仲要俾人打就唔好怪我😂。最安全就係同另一半一齊上格子園買一排LOVE SLEEVES 俾佢冧哂先再去七仔買嗱！
最新Gateau Festa Harada 精選禮盒已上架，LOVE SLEEVES朱古力盒裝亦已上架，而圖中LOVE SLEEVES簡便裝就只左店頭發售。
https://www.jponline.store/new