兩三個月前輕輕介紹過一個布丁，由法國國家級名廚出品，食過嘅朋友仔讚不絕口，但點解我都無千字文？因為貴！好貴！好很貴！真係要好有食力先捨得。我有幾個朋友仔食上癮，買完又買，成日買，咁又係，你哋隨手買枝唇膏都。。。。。。！
好多人問過我仲有無正布丁，唔通我介紹Lawson，七仔啲明治咩！今次介紹呢個布丁只要有去過京阪神都會見過，係代表神戶嘅手信之一，呢間公司咁多年嚟主力只做布丁，因為已做到大賣仲得到世界認同。計埋最新2020年，佢已連續8年（2013-2020）獲得Monde Selection“最佳金獎”，未有人挑戰到佢嘅地位。老老實實日本七仔好多布丁都好好食，點解佢可以攞獎攞八年？首先佢嘅布丁質地結實，攞上手你就會發現好重身，重過便利店的好多。密度高，重量就高，質地亦更挺身。要做到挺身唔難，但挺身而超軟熟就好難，質感優越之外一打開濃郁蛋味湧出，絕對令人想立即品嚐。每一個布丁附帶一包焦糖同一隻紙摺匙羹十分方便。識食當然先試一啖原味，入口三個字“香，滑，軟”，都不單止，仲超重蛋味，帶少少奶味，致勝秘密就係有一陣陣清爽而回味嘅柑橘香味，呢份柑橘味完全係輕輕的來，悄悄的走，絕無帶走蛋味的精彩，相反為其蛋味添上一個光環。試咗原味當然要加上附帶嘅特製焦糖，茶黑色中見清澈，不黏笠不混濁，有強烈甜香，所以先落半包。原本布丁有的係蛋味，奶味和柑橘味而無乜甜味，一遇上焦糖成件事又更圓滿。一個香甜，幼滑，濃郁，清爽集一身嘅神戶布丁就是這樣煉成！如果你唔係一個甜粉，建議落三分之二包焦糖已好足夠。點解佢贏足八年？就係實力做好自己，並非二仔底死跟囉！
第一批現貨如運輸無遲會係四月一日到店俾大家長假享用。而佢仲有幾款特別味將會四月一於店頭限量發售。到時我都應該要同東京一年之約說再見！
神戶布丁訂購：https://www.jponline.store/toraku
