top of page
  • 作家相片Andy Lai

$93 vs $118??


有朋友仔今日上店攞麵,俾個電話同事睇(左圖),同事就影咗send俾我。我同佢講咁平,蝕嫁喎!同事知我今日好多煩事心情煩躁, 所以直斥話我係咪未瞓醒!hk$93一個啊!我哋hk$118兩個啊!我回應係好正常啊,我賣得貴囉!同事話無我咁好氣叫我去食藥早唞嗱。 “彩未”係當今北海道最人氣麵店之一,不單評分已爬過“一幻”,仲攞咗米芝蓮推介,佢最出名係味噌湯底,好多人識貨想淨要味噌湯底,所以我online會加味噌孖裝俾大家。而“一幻”唔洗我多介紹,味噌蝦湯早已出名到爆。 除了北海道仲有大阪,大阪出名嘅拉麵好多人會話丈六,無鐵砲,但最新火熱係“人類みな麺類”, 排隊指數爆燈!日清名店杯麵系列剛就推出“人類みな麺類”杯麵。杯麵同實店拉麵還原度真係算高。杯麵靚唔靚第一件事係焗完幾分鐘後,湯嘅水位有無少了好多。水少除了少量蒸發外,主因係麵身吸收了幾多水份,如麵身成份靚就唔會吸入太多水份,咁麵條先保持咬口。“人類みな麺類”就係焗完後湯仲好滿。近年出嘅杯麵頂都流行有一包香油,記住落完熱水,由得包香油係杯麵頂一齊焗,等香油都受熱,焗夠時間就加落杯麵一齊食,令其香味更能發揮。如果有食過金色不如歸杯麵就知佢勁在清湯中充滿貝類鮮甜。“人類みな麺類”呢個杯麵就係貝類醬油味,勁在係醬油嘅鹹味適中卻帶有貝類鮮甜,而麵條質地更係出奇地精彩,咬口結實彈牙,麵條入口咬碎會有化學作用產生甜味,神奇地將佢醬油湯底原本嘅鹹,卻因麵條將貝類嘅鮮甜慢慢引出,真係又一杯麵極品。仲有一點令我更喜歡呢個杯麵,就係人類みな麺類店主承諾,呢款杯麵嘅一半營利將捐出作慈善用途,絕對係性情中人,啱feel。 另外福岡嘅一蘭就唔洗多講,已寄近100個返嚟都無哂,下星期再到近100個,自己上online訂或到店買吧。店現有好多款名店系列杯麵現貨,可自己搵格子園。而彩未拉麵13號後我就會停售,幾時再有同仲可唔可以仲做到咁抵就唔知,所以有買趁手。


378 次查看0 則留言

最新文章

查看全部

コメント


bottom of page