無印良品新推出嘅微波爐專用烤盤，配有外蓋同內置發熱材料嘅內蓋，按食譜換住用，一個烤盤就做到「烤」、「蒸烤」、「煮飯」同「燉煮」。烤魚、多士、太陽蛋、炒雜菜，甚至煮一人份白飯都得；煮好可以直接攞上枱，烤盤內側有陶瓷塗層，容易清洗，所有部件都可以放入洗碗碟機。

日本訂價：¥6,990（含稅）

尺寸：外尺寸約 26 × 24.5 × 12.5cm；內尺寸約 23.8 × 17cm；重量約 1.29kg

材質：烤盤內側陶瓷塗層（詳細材質以包裝標示為準）

顏色：黑色／灰米色

份量：適合1至2人份

注意事項：只適用於微波爐「微波」功能（500W 或 600W），唔可以用明火、電磁爐、焗爐或多士爐；外蓋同內蓋每次只可以用其中一個，唔可以同時使用；連續加熱唔好超過20分鐘，加熱後烤盤會好熱，請用隔熱手套拎取並放喺隔熱墊上；唔適合用大量油嘅料理，亦唔好配保鮮紙、錫紙或烘焙紙使用；附日文說明書及食譜。

交付日期：完成付款後約7個工作天內到港