預祝大家新年快樂，醒醒目目，買二開個六。收爐前同大家講一個又似真事又似故事嘅個人體會俾大家知。我係一個IT白痴，對FXCXBOOK 只懂好基本，ig完全唔識用，TG大家都見我用到發火。好多時要靠香港嘅電話專材同事幫手先掂。所以什麼網紅，kol，story我乜都無睇，更加無時間睇。
我係日本過第三個農曆年，亦都幫大家採購過年品第三年。其實每年大家買年貨嘅習慣都好近似，只係我嘅採購量每年都以幾何級數上升。每年都帶不同特別年貨俾大家，絕唔係隨手攞盒日本嘢就同大家講係日本賀年手信。但有一盒賣足5年，日日如是嘅常品，每到農曆年都好好賣。一盒由頭到尾充滿商業計算，一盒外表金碧輝煌，一盒就算自己去日本都要排餐死嘅NEW YORK PERFECT CHESSE（簡稱NYPC)？。每逢過年佢好賣並唔止係香港，而係有偉大祖國嘅同胞覺得金光閃閃夠派頭，香港人，台灣人覺得好意頭，結果每逢過年前日本都排長長長長龍。其實有幾多人真係清楚知道乜係NEW YORK NYPC？
NEW YORK PERFECT CHESSE 早於2017年東京站出現。集合三大國內外職人嘅心血而成。NEW YORK PERFECT CHESSE 項目總監 Bill Yosses，作為前白宮糕點師，現為紐約Perfect Pie的老闆兼主廚，造出被譽為全球最好的餡餅。村瀨美雪先生，史上第一個日本人勇奪世界芝士大獎，成為奶酪鑑定騎士 2006。之後獲獎無數，2015年更受勲奪得法國農業成就獎。Rodolphe Le Meunier 2007年獲得法國政府認證為最佳芝士工藝 MOF。更勇奪國際芝士錦標賽冠軍。成為法國最高峰，MOF奶酪工匠。
日本人嘅崇洋心態係極之強。係日本自古以來黃金係地位同財富嘅象徵，連鑽石都比唔上，因為日本係嚴格管制國內嘅黃金數量。一件擁有住日本，紐約，法國三大名㕑心血嘅傑作。外觀高級到不得了，令人眼前一亮嘅NYPC真係咁就可以大賣？當然唔係咁簡單，由餅皮大師做出一個鬆脆無比略帶甜味嘅外層。一咬碎餅皮夾雜住兩種不同硬度嘅芝士。餅皮於口內產生化學作用甜味急速提升，與此同時卷在餅皮中心嘅軟芝士醬和半軟芝士條為呢份甜加上了一種相反嘅鹹味。甜和鹹味徘徊於味蕾之間，一種難以忘記嘅感覺軟，硬，鹹，甜一瞬間刺激你嘅感觀。就係嘅份美味激發到日本各大傳媒報道，結果NYPC排足五年幾，日日唔洗半日就Sold Out ，因而設立限買，可以講係日本手信嘅傳奇。NYPC多年來每人限購20盒，今年由十二月中起就大量外國人搶購做貨，結果於一月頭突然更改多年來守則，每人只限購10盒。呢個更改對所有代購係一個惡夢，原定想買嘅數量大失預算，結果由大陸到台灣到香港好多地方都cut單，退款交唔齊貨。咁新年嘅NYPC如意算盤咪大失如算？係日本通online store 今年有一件貨突然銷量大增，就係TULIP ROSE 。仲不停收到電話問有冇現貨。今年新年點解咁多人買TULIP ROSE ？原因就係香港定大陸定台灣都好多網店同KOL介紹TULIP ROSE ，大家口味真係咁齊心？其實真相就係佢哋無咗NYPC呢條財路，咁咪搵另一樣嘢頂上賺返大家錢。點解係TULIP ROSE ？好簡單就係易買，TULIP ROSE除了限定罐每人限二外，其他貨品每人限30。其實大家知唔知鬱金香同玫瑰嘅花語係乜？黃鬱金香： 友誼、希望、快樂，紅鬱金香： 熱愛 、熱情，白鬱金香： 純潔，又適用於道歉，橙鬱金香： 兩人的精神同在，理解。請問同新年有乜春關係？一切就係交唔到NYPC貨就搵樣最快最易買到嘅貨Sale你哋買去俾佢賺錢囉，明未！仲有農曆新年後不久就情人節，咁新年送TULIP，一陣情人節又送TULIP，傻的嗎？又唔見有人sell你買TULIP限定罐？因為呢個罐每人限二仲難買過NYPC囉！如果新年sell你買TULIP，原因何在就自己想清楚。而到咗今日仲sell你買TULIP新年送禮，佢就係坐咗貨搵你“醒目”吧！仲有就算情人節要買TULIP都唔係今日買嚟，你都唔希望呢份愛好似盒TULIP嘅食用期咁短掛！今年我電話定直接到店有無數公司問可否有NYPC現貨批，甚至原價都想all in，因為大家都知我有好多，源源不絕，其中有幾個係一啲帶貨直播嘅公司，世事無咁多巧合呢。就算你真係要TULIP其實大家有無睇清楚市面個價，我哋自己TULIP只留好少現貨，係限定罐先多點現貨，今年街價真係好有距離，大家睇到邊出post出story出片講TULIP好正乜乜乜，其實就係發緊你新年財吧。
我知好多人上我哋店想搶NYPC 都搶唔到，依家我哋online store 已再開發售，現落單預初七或八到港。價錢無加，幾難排，佢加咗價我哋都盡力keep返俾大家。希望大家明日本通做緊乜，來年我都係同樣咁敢言同痴線，呢個先係日本通。