top of page

生日快樂


格子園3歲生日,www.jponline.store 1歲生日!生日快樂!快高長大!身體健康!而23歲生日嘅我首要都係身體健康!好多謝大家嘅祝福,但唔洗WhatsApp我嫁,因為我個WhatsApp真係爆嫁嗱,我點覆都過100未read,miss咗好多message。心知就得,我唔慶咁多繁文縟節。


過去一個月,jponline面對了一個不能想像嘅訂單量,貨量之大全個商場同上嚟嘅大家有目共睹,無論我同香港同事都真係應付唔嚟,好多錯漏對不起。所以過去個幾星期我停哂出新品,就係要消化現有嘅,同改善現有制度,點可以更少錯誤嘅同時又可以方便到大家。其實已經進行了好多改善,唔知大家有無發覺。一年前設立online store時,諗了好多因素去選用邊間供應商,好多shop乜shop乜嘅其實都係中資背景,最後我選了一間香港好少人用,只因佢全外資,收款系統又係全外資,數據中心又係外資。選用原因我諗大家好清楚,但一個外國公司所做出嘅界面,設定等等都係100%外國風,好多唔設合香港人嘅模式。所以成個系統同網站係好多局限下完成。我已盡哂力去改進,但都有不少唔可以更方便大家嘅限制存在,對不起。其中有一個問題好嚴重但解決唔到就係由系統發中的email,接近有25%係電腦記錄了日期時間證明已發出,但收件人證實係無收過,呢點就連以色列總公司都答唔到我哋。所以我都話,IT我識條鐵!我哋正試驗多個改善方針,希望可以變得更好。

而大家最關心嘅生日優惠係乜?我有個想法,8月本來係好多人去旅行嘅月份,現大家過唔到嚟我都改變唔到。去旅行一大重要環節就係食同買,所以我決定幫大家實現一小部份。直到29號,online store會出現一個特別版面 www.jponline.store/823 。入面會不定時加入不同貨品,但入面嘅貨品有一個特點,大部份嘅售價係日本發售價 x0.073 +3%網站同信用卡手續費,換句話即係差不多等同你自己飛過嚟買嘅價錢,仲要我貼錢幫埋你運,你自己去買都要時間同腳骨力,係咪好痴線,全香港無人咁做過。仲有部份神秘品或限量品會以低過日本發售價出現,即係成件事蝕到入哂肉,真係我生日派錢無分別。全部貨品隨時更新隨時無,睇我心情同有無時間。




仲要兩件事要講,好歡迎大家幫我轉發去香港現具假貨,假店情報站 。我唔想係入面講同回,因為我好想公開係日本通光明正大講先有力。

有人留言“疑果位師兄佢都用遊客身份滯留左係日本超過一年呢,咁耐都返唔到香港真係辛苦晒”。我公開回應你,我係遊客身份“留”係日本15個月了,並唔係“滯留”,係你唔識中文定唔識用字?洗唔洗搵補習?你邊隻“眼”見過我寫返唔到香港?你邊隻耳聲過我講返唔到香港?我係日本就應該辛苦唔過係香港過唔返日本嘅!講嘢唔該負下責任,你乜動機就大家心照,我留得係日本係日本政府光明正大批俾我,點解?咪就係你連知點解都未有資格囉!


另一件大事係我昨晚出完“解謎篇”之後收到嘅最新消息,消息來源絕對可靠,今日仲double check咗第二個有關人士,肯定無錯。就係“英文”字店不停收訂嘅貨品,有好大部份係bandai嘅產品,bandai香港總代理係“瑞華行”,而如我所講“英文”字店係瑞華行同萬信嘅户口都係用”The Qxxe“呢間公司名。最新消息係瑞華行係前已Cut了“The Qxxe”呢個户口,即係話“The Qxxe”已經批唔到瑞華行嘅貨。但佢仲不停開post收訂?當然佢可以話有日版,又可以勁到話個團隊有其他户口係瑞華行,但大家仲信佢嗎?而點解佢户口俾人cut?答案就係成日彈票!仲同瑞華行講自己好勁,萬信都俾一個月數期佢,點解瑞華行唔俾?結果咪俾瑞記say goodbye。老老實實我係萬信攞咁多陀螺都無數期喎,你有就真係勁姐!但我證實咗佢係萬信係要先入咗數先開單再安排送貨嫁喎,咁個數期係什麼東東呢?勁就唔洗成日彈票嗱,一定係團隊太忙唔得閒搞賬項,除非唔係!


歡迎大家廣傳! 歡迎大家廣傳! 歡迎大家廣傳!


集思廣益點可以避免做苦主!傳去X登!X日玩具!X港玩具假貨,假店情報站!等大家一齊幫下手啊唔該!

369 次查看0 則留言

最新文章

查看全部
bottom of page