各位好！首先唔係FF，我仲係日本！唔係逾期居留啊！發生咗乜事？就講下故事俾大家知。 你哋講得無錯，點解唔再試下續期呢？但當然係“失敗”！入国局官員解釋已經13個月，比起一個每年嘅工作簽證仲要長，已經係唔可能，航班亦好穩定，無理據見到可以再續。 三月上半個月無乜覆過大家WhatsApp，因為不停見司法書仕，行政書仕，怎致有幾位已移居日本多年嘅真香港人試圖想幫手，但全部研究過都係無方法，四五個司法同行政書仕都好確定話無可能。所以已有回港嘅準備，包括機票同香港隔離嘅安排，連藥房老闆都話想同個女為我餞行食一餐。臨走前出席了帝京大學畢業禮，為應屆畢業嘅真香港學生打氣。過去大半年，留學生都面對part time 被cut人手，畢業預選就職機會大減，生活都要好慳，我不時需要人幫手，結果就成為有得玩一齊玩，有戲一齊睇，有食一齊食，有嘢做一齊做嘅好朋友，好開心見到佢哋順利畢業。四年前考入帝京理學院約有10個香港人，四年後今日畢業得返6個。除了帝京，仲連帶識了好幾間大學嘅香港學生，成日陪我大飲大食唔洗我咁悶。參加佢哋畢業禮係我作為呢年最後嘅重任，之後同大家去慶祝一番。佢哋好關心我之後去向，亦知我心中還有很多計劃很多想做的事，大飲大喝之後就各自回家，我亦由宇都宮坐JR回酒店。當時仲有約兩星期，忙於對返有冇乜order漏，又要做online store嘅大量單忙過不停，仲要諗有幾多個人物品要運回港。當時已安排了回港後日本會繼續有人幫我買貨運貨，但流程仲要磨合，因為量真係唔細，佢哋怕做唔嚟會慢咗。到三月尾，帝京嘅畢業生搵我，話因為佢哋要去入国局將留學visa改為就職visa，順道不如去幫我做翻譯申請多次，咁就一齊去了入國局。上到去佢哋換visa好快，因為一早預約好，但我要排初步面接就好多人，等了超過一個鐘先到我，一講想延期嘅要求，0.99秒已收到回應係不可能，連想見到張申請表格嘅機會都無。但萬萬估唔到呢班書生不單代為翻譯，仲做哂功課同個官講，仲有為我作擔保嘅打算。講咗近20分鐘，個官俾了申請表我填，講明只係填表，成功與否係要上級批核，之後會收到通知。直到昨日，4月1日先確定申請成功同辦理更新visa手續。嚟緊呢90日係帝京畢業生送俾我嘅謝禮，其實你哋唔洗多謝我，幫到人我好開心，而我真心多謝你哋為我換嚟391-480呢90日！你哋勁過哂好多個司法同行政書仕😂，香港人真係特別醒嫁！ 今日4月2日係我休息放鬆之日，online store 將會有好多update，除咗會有無定向喪心病狂減價項目外，為感謝大家390日嘅支持，同我學識website其中嘅discount code功能，所以先派第一個discount code俾大家試下。由即時到4月6日，每個acc可用一次，輸入 promotion code: jponline391days ，購物滿HK$391就可獲減免HK$40。明天會公佈重啟個人代購服務。另外多款新品呢兩日會上架。由於香港長假，最快再有貨到店要七號後。店現有一系列新品俾大家頂住先嘅，自己問下格子園。呢兩日由於有班朋友仔慶祝我又走唔到，話買返幾百萬慶祝下，所以到4號我都full book嫁啦。另外你哋想有著數就去online store登記入會，之後大部份discount code會係入面出現，登記無走雞。 多謝你哋，多謝你哋，多謝你哋！
