top of page
  • 作家相片Andy Lai

米芝蓮碗麵?!


得到米芝蓮代表著有一定水準,但以往都係一啲高貴西餐,法國菜,意大利菜。多年前開始對不同國家不同口味去評分,咁可以代表日本嘅飲食當然係懷石料理,壽司,仲有拉麵。歷史記載日本拉麵源自明朝遺臣朱舜水流亡日本後用麵條來款待德川藩主。直到明治時期拉麵流行於滿佈留學華人的橫濱中華街,為經濟地過活的食品。其後拉麵漸漸受日本人注意,改良出不同地區不同風味拉麵。怎至屋台成為了日本人應酬後解酒飽肚的良品。米芝蓮評審了解到日本文化,更將“蔦”納入史上第一間獲星的拉麵店,從而更確立了日本拉麵地位。“蔦”以松露清湯而奪取一星,米芝蓮一向偏重清而有力嘅美食,但有一間叫“鳴龍”就以濃烈火爆嘅担担麵成招牌,更成為第二間奪星的拉麵店! 担担麵香港人唔會陌生,源自四川,香港有數間非常出色的担担麵店,我係常客,因為好愛辣。係日本我敢講無乜食過出色嘅担担麵,除了他~“鳴龍”。位於池袋下一個站大塚的小街內。自開業其担担麵火速成為熱話。到被列入米芝蓮推介再升格到一星後,人龍永不停止,仲排到對面馬路。




有趣的是勇奪一星嘅作品係“特製醬油拉麵”,保持住米芝蓮愛清嘅常規!佢嘅醬油麵湯底係色清味複雜,層次多而深刻,唔似“蔦”以松露吊味,佢嘅清湯本身已做出鮮甜有力,亦係能奪星嘅一貫特色。米芝蓮就話醬油拉麵出色,但全城洗版都係讚美佢嘅主打招牌担担麵。其實好簡單,米芝蓮奪星好少係辣嫁!呢個係歐洲飲食文化特色。咁呢個担担麵又如何?我答你正到不行!店主講過,湯底以雞肉、牛骨、野菜、牡蠣…等13種食材熬煮出來,唔用花生醬做底,用上日本胡麻還有加入了黑醋和蘋果醋,難怪清爽之中有多層味覺刺激,雖然唔係強烈嘅辣,但個辣係隨住醋慢慢攻入你舌頭,你喉嚨。由於醬油拉麵和担担麵分別用上不同麵種,咬口好不同,個人偏愛担担麵嘅幼身,更彈牙,重麵味嘅東方麵底。雖然一口氣吃了兩款麵,店主見我一落兩碗就先上醬油,當我就食完先上担担,心思盡見!兩碗麵都係上上之品,但個人絕對選擇担担麵,係一碗充滿刺激,入口好似落入味覺迷宮嘅傑作。 雖然無可能為大家送上一碗櫻井翔都推介嘅原裝版,但我絕對推介佢出品嘅鳴龍担担碗麵。碗內有三包配料,第一包先落後就加熱水,另外兩包千萬唔好落,要放係碗麵上受熱,咁就會即變回油狀,焗完3分鐘後先加落去進食。呢個碗麵真係真係好食到超乎想像,還原了用胡麻醬加上黑醋同蘋果醋,而麵身用上正宗幼麵,充分沾上湯底,直頭同香港好出名嘅担担麵有得比。但佢只係一個碗麵,咁你話幾勁。仲有一個優點係暗辣,亦有一個缺點係幾辣。如果唔食得辣第三包嘅辣油就落少啲。唔食醋嘅我都話個湯底麻香中帶微酸再暗藏辣,係一個超出色嘅担担麵。










www.jponline.store/noodles

174 次查看0 則留言

最新文章

查看全部

Comments


bottom of page