top of page

伝説の「港屋」

已更新:2021年5月1日


虎ノ門(虎之門)係一個商業區,好多金融機構辦公室,近年更成為發展重地,一流大公司同酒店紛紛進駐。“菊地剛志”畢業於名牌大學,順利進入了銀行業。他醉心於蕎麥麵呢個傳統美食,閒暇會鑽研去改良如何變得不傳統。2002決意放棄當時前途無限的銀行職位,於自己熟悉的地區東京虎之門創立“港屋”立食蕎麥麵店。以出色自家製蕎麥麵,碰上大量特製辣油做出「豬肉冷蕎麥麵」,一個打破傳統的口感與味道,讓店子一瞬間成為虎之門區熱話。不管天氣如何總會排起長長人龍。好快店中更不時出現區內有頭有面的社長,名人身影。隨住一個人,一個並非真實的人,一個漫畫角色“島耕作”,講述在大集團上班族如何努力向上游的著名漫畫。內裡多次以“港屋”作背景。原來作者日本漫畫家弘兼憲史係港屋嘅常客,更傳弘兼憲史lunch meeting都要係港屋進行。結果電視,雜誌,衆多名星都常常出現,令港屋被稱為幻之立食店。人氣延續到2019年2月,店子突然卸下招牌熄燈休息,從此港屋只成回憶,真正原因到今日仍是一個謎。大半年後弘兼憲史穿針引線,以漫畫角色島耕作,日清和已成為KIKUCHI Art Gallery主腦的菊地剛志聯手推出島耕作版港屋杯麵,不但一衆食客搶購,漫畫迷同樣搶購。今年雖然無島耕作加持,但日清與弘兼憲史重新改良,再一次推出港屋杯麵。以更好口感更容易吸附醬汁的蕎麥麵,配以胡椒,山椒,炒芝麻和帶有花椒味的柴魚甜醬汁作湯底,配以港屋辛香辣油,重現幻之名店光環。


好多客問我有無呢樣嘢食有無嗰樣嘢食點解唔做,放上online store無成本嫁。其實好多試過食過如果無水準或太普通都費事做,放上架都有損我品味。近來日本好多勁推杯麵推出,原因係疫情關係留家多了,晚後因緊急宣言食店提早收店,年內杯麵銷量大增。對食客嚟講當然想搵正嘅先買,對商家嚟講當然想分一杯羹賺錢彌補開唔到店嘅捐失。我覺得最正嘅頭幾位杯麵都出過post介紹俾大家,今次港屋我出得post當然係有水準之作。以蕎麥麵作杯麵推出一向唔多亦唔係主流,原因蕎麥麵難控制,亦難以重現蕎麥麵入口嘅香,通常焗完好易會淋哂收場!港屋出名蕎麥麵,完全打破以往,按時焗完後不但軟硬適中,完全保留蕎麥麵嘅咬口,蕎麥味道完全保留。麵身沾湯能力好高,入口每啖都充滿沉實蕎麥味和一份鮮甜味!醒目嘅就會問我佢係醬油底點解唔係鹹?佢呢個醬油底用上柴魚,花椒,芝麻製成。入口係微帶鹹,但好快鹹味消失,一份鮮甜隨之而上,怎至係出奇地嘅鮮甜。由於麵附上一包辣油,佢講明因應喜好落多少,如all in就大約三級辣(五級係滿分),我就當然all in。結果一種由鹹變鮮甜再變火辣嘅三重感覺交織係口腔之內,加上彈牙而富蕎麥味嘅麵身,如果杯麵都做到咁水準,怪不得當年店可以大排長龍咁多年。早年約2006定2007左近我有去過虎之門港屋,但可惜當年只懂買衫嘅我時間有限,見太多人就放棄,估唔到之後就再去不了。幾年後今日藉住一個杯去補完當年錯過了的機會。現在就更明白好多事唔係必然,呢一年眼見東京內消失嘅店子多如繁星,如日方中嘅名店都可以一夜消失,人生好應該珍惜眼前,努力去做好每件事,唔好俾自己有後悔嘅機會。


www.jponline.store/noodles










109 次查看0 則留言

最新文章

查看全部

Comments


bottom of page