大家好啊！又係我“麟威”啊！今日已實地到了中野詳細調查，問埋有關地址嘅管理員都唔知真正“吉本玩具”嘅真身何在。我下次都同大家講我住係地球嗱，幾型！
其實已經唔止一個人問過，話我好熟口面，係咪以前係邊度見過，無錯！大家好可能係讀緊書時見過我。少爺仔嘅我幾十歲人只試過返四小時part-time，係媽咪安排想我見識下，當時好似中六。成世人未見過工，讀緊書就幫契爺手，到契爺公司分折轉入新公司，新公司請我加入，一做就做到尾。到當年業界有大改變，公司有大改動，契爺亦退休，我就離開去追自己少年無追嘅夢。我前半身就係活於補習界，香港著名補習社就係我唯一工作經驗。當時係公司好開心，位不高但權卻很重，做乜都只需同老闆交代就可以，當然我亦幫公司走上巔峰，但我唔係補習名師。有少少年紀嘅都知當年補習社打官司幾勁，一年有N咁多次上哂電視雜誌追訪業內三大集團嘅跳槽官司案，次次幾百萬過千萬咁打，我哋公司無輸過一次。打官司我見慣見熟，什麼律師信定團隊我未見識過？真係未驚過。另外去中野前其實有同我一位唔等錢洗嘅朋友仔閒談過發生乜事，佢話唔好以為出封什麼信就可以嚇到人，平民就嚇到，洗唔洗見識下佢家族公司嘅律師團隊喎，叫我洗乜諗，快去開謎底，因為佢想食花生🤣。
約大半個月前不約而同收到whatsapp問我知唔知中野有間玩具店叫吉本玩具，話香港人開。我唔識無聽過。仲話原來係信和同現時點都有店，即係我同場又點會唔識。再講先知就係"TOMICAHONGKONG"，佢我又點會唔識！佢未開店已識佢。現交代下我所知。我係以“爆旋一格”賣陀螺而多人認識從而開了店“格子園”。店成立後有一位劉生不時嚟買嘢，佢出手好重，成日all in，多數晚上同佢女朋友一齊嚟，買完就坐的士走。佢話自己正職係律師，外快就係ebay賣玩具去外國。見過銀包內真係有律師證，但根據我當時問到律師界朋友話佢係一啲民事律師，即做文件之類，並唔係打case。每次都西裝骨骨咁嚟，買熟了就直頭送貨去佢將軍澳嘅住宅地址，佢亦話自己有一小店係將軍澳。之後聽聞佢開始係旋拍賣嘢，仲係旺角信和開店，好似無再返律師工作，亦無乜見到佢再嚟我哋店。佢都有賣陀螺，仲係現時點一樓開店。我賣陀螺係香港都有少少人識，最出名就係永遠足貨。因為從香港或日本Takara Tomy攞陀螺貨都好難，因為好賣永遠唔會俾足。我哋係有好多前輩同有關人士幫手先可以做到咁，漸漸亦賣出海外好多國家。當時有一位好兄弟嘅朋友T先生，佢係香港著名卡game店老闆，佢從兄弟口中知道我哋賣陀螺有好成績，不止一次登門搵我想合作，但真係無興趣，因為我開店係為開心多於錢。當時T先生同我講原來佢同TOMICAHONGKONG 嘅劉生係信和有合資開夾公仔機店的，佢哋有合作關係。其實唔關我事，聽了就算。漸漸有一啲陀螺批客同我講話劉生個價好平，開始同佢落單，我都無所謂。過得一兩次佢哋就開始搵返我，話佢啲貨期唔準，好遲，又唔足，要死追先有。陀螺週期好短，遲一個星期先有貨基本上都已經唔洗賣。有位一路有搵我批陀螺貨嘅客人某日上我店問有無一款陀螺發射器，呢個貨係熱賣，全城缺貨，第一批我哋一出當日就賣哂，前幾日到第二批補貨亦火速售罄。呢個客話急要，因為佢欠落客，佢見某店開到好平所以貪平去了訂，點知出事。錢就一早收，貨就追極都話無，只回代理未派貨，代理乜乜乜，人哋派咗唔代表佢哋有乜乜乜嘅大道理。呢位客人都熟，我就應承幫佢諗辦法，叫佢明天過嚟攞住一批先，其他俾多一兩日我幫佢搞掂，唔洗俾錢，啲貨借俾佢用，遲下佢攞到還返俾我就得，就算日後變死貨都係我蝕。陀螺界以我哋嘅交情，好多前輩都會幫手。第二日客人到來攞貨，佢好感激我哋，仲講咗件事我哋知。佢話實在唔忿氣，再追嗰間店，話爆旋一格都派哂貨賣完，點解你次次話無貨派耍太極。結果客人收到“又係”英文“嘅回覆話爆旋一格經營手法有問題，代理一早無再俾貨佢，只係靠日本水貨。老老實實日版我係有攞，但每個月從香港代理攞嘅行貨陀螺數量肯X定係呢間“英文”店N倍！我聽到當然唔甘心，就用我哋嘅能力同地位去查下。頂，香港代理嘅有關人仕告知我呢間“英文”店呢次根本就無落過單，咁點會無貨？就算佢勁到有用其他公司名落單，所有貨代理早已派完無欠任何店，即係話佢根本就係收人錢但無落單，即係賭白頭片。我同客人講返查到，佢仲激氣，結果去咗“英文“店頭追數，結果咪又係話貨係倉乜乜乜，話過兩日就有。成件事搞咗大半個月定一個月，客人終於攞到貨了，佢係一樓攞完貨即上二樓還俾我哋，點知一睇嗰箱貨，謎團即解開。箱貨根本就係來自香港代理自己開的“玩具站”分店，上面有code我哋係專業一望就知，再托代理有關人仕一check近日銷售記錄，完全吻合，仲搞笑係查到買當日係玩具站買的人以會員卡登記係“謝小姐”，電話號碼就係以前嚟我哋店時劉生身邊嘅女子。成件事就係開超低價，不停收訂，貨就唔會訂足甚至唔訂，等客追就睇個市平就補賺差價，無就拖，拖到件貨死咗咪入俾你，唔得咪N世退款，即免息借貸！如果佢有入貨，件貨升咪後門賣走袋錢唔會俾訂客。收咗嘅錢一係攞去炒貨炒股，一係就錢填錢。我成日講人嘅最大弱點係貪，佢就係捉大家心理。作為一個律師清楚知道點免責，推哂屋企人出嚟賴呢樣賴嗰樣，什麼團隊退款要時間乜乜乜！仲講日本有舖捉心理！客人由於多謝我幫咗佢，所以將同英文店嘅所有付款記錄同對話交哂俾我哋，早就問過律師係足夠出信俾佢話誹謗爆旋一格。我都係一句，什麼律師團隊？洗唔洗出嚟見下？單係我班著名律師朋友都話好想見識下個個團隊有幾勁！仲未排到我班H太都話想大開眼界！
TOMICA 係香港總代理叫“萬信”，直屬日本係香港嘅分公司叫“TOMY (HONG KONG) LTD."。英文店係“萬信”嘅戶口係用“Qxxe"呢個名。“TOMICAHONGKONG” 個名就係用法律知識取巧令外國人同好多香港人誤會嘅設定，令人安心俾錢。據知英文店現出咗名，萬信同TOMY (HONG KONG) LTD.都好似商討緊會唔會有行動。英文店現不停開新店係信和，錢何來？點解仲要不停開？大家還記得半年前現時點角落生物店的故事嗎？從中佢袋哂幾多錢呢！希望大家廣傳唔好再上檔，你估如果全部訂咗貨嘅人集體上去退款會點呢？
中野京遊篇
https://fb.watch/7wUcTW3d7K/
Comments